ايش تحساب روحك,,,,,

قصيدة جميلة جدا للشاعر المبدع(عبدالله فؤاد)

ايش تحساب روحك .... انغبت خلاص ما انداوي اجروحك
انت غلطان
ايش تحساب روحك
ما نداويهن
تحساب الجروح انكان غبت
عليهن
ابروحي انداويهن وما نخليهن
ايسيلن على خاطر جفاك
وموحك
ايش تحساب روحك
نا ما انجيك
لان غرورك هو اللي عاميك
اصلا انسيتك ما انفكر فيك
وماعاد يمشن ياعزيز اطروحك
ونوريك كيف اتقول نا ناسيك
ونخليك تنسا ضحكتك وافروحك
غلطان واهم ما انموت عليك
مطلوق ياغالي خلاص
اسروحك
انت اتريدني خاتم انجي في
ايديك
اوين ماتجنح انخاف اجنوحك
مادام هكي انت ما نبيك
وخليك عايش في خيال
طموحك
ايش تحساب روحك
انغبت خلاص ما نداوي اجروحك
انعدك حلم
ايش تحساب روحك

المبدعــــــــــــــــــــــــــــــــــــــــــــــــــــــــة ليال...

مرورك تشريف .
ليست قسوة وانما تجربة شخصية لشخصا ما,

دمتي.